రీగ్రూపింగ్‌ స్కేళ్లు, పే స్కేళ్ళు పెంపుదల, ఎయిడెడ్‌ టీచర్ల డైరెక్ట్‌ పేమెంట్‌, ఉద్యోగ విరమణ వయసు పెంపుదల 58 నుండి 61 సం॥కు(ఏపీలో 60 సం.లకు), మున్సిపల్‌ టీచర్ల జీతాలు 010 అక్కౌంట్‌ ద్వారా చెల్లించడం, ఉపాధ్యాయుల ఆత్మ గౌరవాన్ని నిలబెట్టే కౌన్సిలింగ్‌ జిఓ సాధనతోపాటు అప్రెంటీస్‌ సర్వీస్ కు నోషనల్‌ ఇంక్రిమెంట్లు, ఎస్ సి, ఎస్ టి అన్ ట్రైన్డ్ టీచర్ల నోషనల్ ఇంక్రి మెంట్ల సాధన, అప్రెంటిస్‌ విధానం రద్దుకు స్వతంత్రంగాను, సమైక్యంగాను అగ్రభాగాన నిలిచి పోరాడిన సంస్థ యుటియఫ్‌. 2007 తర్వాత జరిగిన ఎమ్మెల్సీ ఎన్నికల్లో యుటియఫ్‌ బలపరిచిన ఎమ్మెల్సీలు ఏపీలో 13 జిల్లాలకు, తెలంగాణలో ఒక ఎమ్మెల్సీ 10 జిల్లాలకు ప్రాతినిధ్యం వహిస్తున్నారు. 

రాష్ట్ర విభజన అనంతరం  తెలంగాణ రాష్ట్రంలో అగ్రగామి ఉపాధ్యాయ సంఘంగా ఉంటూ ఐక్య ఉద్యమాల్లో (యుఎస్ పీసీ, కార్మిక, ఉద్యోగ, ఉపాధ్యాయ, పెన్షనర్ల ఐక్య వేదిక లాంటి వాటిలో) చురుకైన పాత్ర పోషిస్తూ, ఉపాధ్యాయ, కార్మిక, పెన్షనర్ల హక్కుల సాధనకు కృషి చేస్తున్నది.

కేంద్ర ప్రభుత్వం విద్యారంగానికి కేటాయింపులు తగ్గించటంతో పాటు, విద్యా కాషాయీకరణకు బీజాలు వేస్తోంది. విద్యారంగం మొత్తం కార్పొరేట్‌ వారికి అప్పగించ బోతుంది. విద్య కార్పొరేటీకరణ, కాషాయీకరణకు వ్యతిరేకంగా ఉపాధ్యాయుల్ని చైతన్యపరచడం, ప్రజలతో కలిసి ప్రభుత్వ విద్యారంగాన్ని కాపాడుకోవడమే నేడు మన ప్రధాన కర్తవ్యం

టియస్ యుటియఫ్ ఉద్యమ చరిత్ర

ఉమ్మడి ఉద్యమ చరిత్ర